Misaka sa US$154.93 bilyon o kapin P9.60 trilyon ang total external debt sa Pilipinas sa pagtapos sa Hunyo 2026, gikan sa US$147.35 bilyon sa miaging quarter.
Tungod niini, misaka sa 31.6 porsyento ang foreign debt batok sa gross domestic product o GDP sa nasod, gikan sa 30 porsyento.
Bisan pa sa pagsaka sa utang, nagpabiling lig-on ang liquidity buffer sa nasod pinaagi sa US$104.74 bilyon nga gross international reserves o GIR, nga igo aron pondohan ang mga short-term nga obligasyon.
Samtang, miubos sa 9 porsyento ang debt service ratio gikan sa 9.2 porsyento sa niaging tuig, nga nagpakita nga igo ang foreign exchange earnings sa nasud alang sa pagbayad sa mga utang.
Matud sa mga opisyal, ang pagsaka sa external debt nalambigit sa mga pautang ug pag-isyu sa global bonds sa gobyerno alang sa national financing ug mga proyekto sa kalamboan.