Posibleng masusi pa ang mga rekord sa Anti-Money Laundering Council (AMLC) kabahin sa inflow ug outflow sa mga account nga nalambigit kang Vice President Sara Duterte.
Matud ni House Deputy Speaker Janet Garin, gipakita sa AMLC sa Kongreso ang mga rekord sa pinansyal nga transaksiyon nga mikabat sa gibanabanang P6.7 bilyon.
Giingong itandi kini sa Statement of Assets, Liabilities and Net Worth o SALN ni Duterte ug sa mga tinubdan sa iyang kita aron matino ang mga transaksiyong wala pa maipatin-aw.
Samtang, gilantaw usab sa impeachment court ang isyu sa duha-katulo nga boto nga gikinahanglan alang sa conviction sa usa ka impeachment case.
Gipasabot ni Garin nga ang constitutional provision nagtumong sa duha-katulo sa tanang aktibong miyembro sa Senado, samtang lahi ang interpretasyon sa depensa nga magbase kini sa 24 ka senador.
Sa laing bahin, gipangutana usab si Garin bahin sa mga testimonya ug dokumentong gipresentar sa prosecution kalabot sa giingong iregularidad sa paggamit sa confidential funds.
Matud niya, dili pa niya makita nga lig-on o igo ang mga ebidensiyang gipresentar batok sa depensa.