Opisyal nang pagasugdan ang makasaysayanong FIFA World Cup 2026 karong Huwebes, Hunyo 11,ning kasamtanagng tuig, pinaagi sa dula tali sa host nga Mexico batok sa South Africa sa Mexico City.
Gani, nag-abot na karon ang pipila ka teams gikan sa nagkalin-laing nasud ngadto sa ilang mga base camp, lakip na ang squad sa Iran nga luwas nga nakaabot sa Mexico human sa mubo nga kalangan sa ilang mga visa.
Kini ang giisip nga pinakadakong edisyon sa torneyo tungod aduna nay 48 ka nasud ang magtigi sa kinatibuk-ang 104 ka mga dula tabok sa United States, Mexico, ug Canada. Agig tubag sa reklamo sa mga fans tungod sa grabeng kainit sa panahon, gitugotan na karon sa FIFA ang pagdala ug usa ka selyado nga plastic water bottle sulod sa mga stadium.
Gawas niini, gipatuman usab ang bag-ong hugoit nga balaod diin hatagan dayon ug red card ang bisan kinsa nga magdudula nga motabon sa ilang baba panahon sa lalis aron malikayan ang tago nga pagpang-insulto.
Engrande usab ang mga kalingawan tungod kay kumpirmadong mupasundqayag si Shakira ug Burna Boy alang sa opisyal nga kanta nga “Dai Dai,” samtang si Katy Perry maoy mangulo sa opening ceremony sa US.Â