HomeLocal News12 ka indibidwal, nadakpan sa nagkadaiyang operasyon sa kapulisan sa Bukidnon

12 ka indibidwal, nadakpan sa nagkadaiyang operasyon sa kapulisan sa Bukidnon

- Advertisement -

Dose ka indibidwal ang nadakpan sa nagkadaiyang operasyon sa kapulisan sa Bukidnon niadtong milabay’ng adlaw lakip ang unom ka giingong drug personalities sa tulo ka buy-bust operations sa Maramag, Malaybalay City ug lungsod sa Impasugong.

Sa operasyon sa Maramag, upat ka lalaki ang nadakpan ug narekober kanila ang duha ka gramo sa gituohang shabu nga nagkantidad og P13,600.

Samtang, 4.074 gramos nga shabu nga nagkantidad og P27,703.20 ang nasakmit sa Malaybalay, ug 1.28 gramos nga nagkantidad og P8,704 sa Impasugong.

- Advertisement -

Samtang, unom pa ka indibidwal ang nadakpan pinaagi sa warrant of arrest sa San Fernando, Manolo Fortich, Malaybalay, Don Carlos, Lantapan ug Libona.

Lakip niini ang Top 1 Most Wanted Person sa municipal level sa Aguilar, Pangasinan nga nadakpan sa San Fernando tungod sa kasong rape, ug ang Top 5 Most Wanted Person sa provincial level nga nadakpan sa Manolo Fortich tungod sa paglapas sa New Anti-Carnapping Law.

Ang ubang nadakpan giatubang usab ang mga kasong frustrated homicide, paglapas sa RA 9287 ug robbery.

- Advertisement -
RELATED ARTICLES
- Advertisment -

MORE NEWS