Mipadayag si Sen. Rodante Marcoleta nga si kanhi Speaker Martin Romualdez maoy giingong posible nga “mastermind” sa kontrobersyal nga flood control scandal nga kasamtangang giimbestigahan sa Senado.
Matud ni Marcoleta, dili mahimo nga walay responsibilidad ang kanhing lider sa Kamara kung adunay nahitabong anomalya sa dagkong flood control projects nga gipondohan sa bilyon-bilyong pondo sa gobyerno.
Nangutana usab kini nganong wala maapil si Romualdez sa preliminary investigation ug nganong hangtod karon “fact-finding” stage pa lamang ang imbestigasyon kabahin sa giingong anomalya.
Matud ni Marcoleta kung seryoso ang imbestigasyon,kinahanglan usab nga susihon ang posibleng papel sa mga taas nga opisyal nga adunay impluwensiya sa pagpagawas ug pag-apruba sa pondo sa flood control projects.
Sa pagkakaron, padayon pa ang imbestigasyon kalabot sa flood control scam ug wala pa’y pinal nga desisyon gikan sa korte o Senado kung kinsa gyud ang responsable sa giingong anomalya.