Gipatin-aw ni Atty. Sunny Matula, presidente sa Federation of Free Workers nga naghisgot sa isyu sa contractualization o “endo” nga bisan pa sa daghang tuig nga saad sa nagkalain-laing administrasyon, nagpabilin gihapon kini nga problema sa nasud.
Sumala kaniya, usa sa mga rason nganong nagpadayon ang labor-only contracting mao ang ubos kaayo nga penalty sa ilawom sa Labor Code.
Tungod niini, bisan pa og ilegal ang labor-only contracting, adunay mga kompanya nga nagpadayon gihapon niini gumikan gamay ra ang silot kung makalapas.
Gisgutan usab niini, ang problema sa gobyerno mismo, diin daghang contract of service ug job order workers sa local ug national agencies, ug sa mga government-owned and controlled corporations.
Matud pa sa abogado, posibleng moabot sa usa ka milyon ang job order ug contract of service workers sa tibuok Pilipinas, ug giingon nga kini usa ka seryosong isyu sa labor security nga kinahanglan tutukan sa gobyerno.