Gipasidaan sa Commission on Elections nga posibleng maapektuhan ang iskedyul sa eleksyon sa Pilipinas kung molungtad ang oil crisis nga bunga sa tensyon sa Middle East.
Sumala kang Danilo N. Dividina, sa karon nagpabilin nga sundon ang kasamtangang iskedyul ubos sa Republic Act No. 12317 ug Republic Act No. 12322, apan adunay posibilidad nga mausab kini pinaagi sa bag-ong balaod kung magpadayon ang krisis.
Gipasabot niya nga walay pili ang epekto sa oil crisis tungod kay maapektuhan ang transportasyon, presyo sa pagkaon ug panginabuhi sa publiko, hinungdan nga gipasiugdahan sa gobyerno ang pagpatuman sa Executive Order No. 110 alang sa pagtipid sa enerhiya.
Sa karon, nag-adjust na ang COMELEC sa ilang operasyon ug nag-awhag sa publiko nga mag-andam samtang nagpadayon ang pagbantay sa posibleng epekto sa krisis sa umaabot nga eleksyon.