Gipadayag ni House Committee on Justice chair Gerville Luistro nga sobra pa sa “probable cause” ang mga ebidensiyang ilang nakuha batok kang Vice President Sara Duterte aron ma-impeach kini.
Sumala sa maong mambabalaod, gipakita sa mga dokumentong gipresentar sa impeachment hearing niadtong Abril 22 nga ang dagkong bank transactions nila ni VP Sara ug sa iyang bana nga si Atty. Manases Carpio wala mitukma ma sa ilang giingong kinatibuk-ang kabtangan, lakip na ang wala pag-deklara sa ilang cash ug bank deposits sulod sa unom ka tuig.
Gawas pa niini, adunay mga notices of disallowances nga gi-isyu sa Commission on Audit may kalabotan sa paggasto sa confidential fund sa Office of the Vice President nga mikabat og P448 milyon.
Dugang pa niini, nagkumpirma kini sa mga alegasyon nga anaa sa duha ka reklamong impeachment batok sa Bise Presidente.
Napamatud-an usab sa mayorya sa mga miyembro sa Justice panel nga adunay basihan ang mga alegasyon base sa mga ebidensiyang gipagawas sa hearing.
Gikatakda usab nga tukion sa Justice Committee kung adunay probable cause ang mga reklamo aron mahimo kining ipasaka sa plenaryo sa Kamarabaha alang sa pagboto.