Gibatikos ni Bise Presidente Sara Duterte ang Office of the President of the Philippines tungod sa giingong ulahi nga pagpagawas sa iyang travel authority, nga nakaapekto matud pa sa iyang plano nga pagbiyahe.
Sumala kang Duterte, adunay pagduhaduha kung pagatugotan ang iyang pagbiyahe, tungod niini napugos siyang usbon ang iyang travel plans.
Gikumpirma sa Malacañang nga gi-aprubahan ang iyang travel authority niadtong Abril 22 alang sa pagbiyahe ngadto sa pipila ka nasud.
Gihangyo niini ang Palasyo nga mahimong mas paspas ug episyente sa pagproseso sa umaabot nga travel requests aron malikayan ang aberya sa preparasyon.
Dugang pa sa bise presidente, importante usab ang husto nga pagdumala sa sensitibong mga dokumento.
Ang maong isyu mitungha samtang nagpadayon ang impeachment hearings batok kaniya sa Kamarabaha ug dungan sa desisyon sa International Criminal Court may kalabotan sa kaso sa iyang amahan nga si kanhing Presidente Rodrigo Duterte.
Bisan pa niini, andam ang Malacanang sa pag-amproba sa travel authority sa Bise Presidente gumikan wala kini sa gipagawas nga Immigration Lookout Bulletin Order (ILBO) ug precautionary Hold Departure Order batok kang Duterte.