Atubangon karon sa Pinay tennis star nga si Alex Eala ang usa ka dakong hagit sa ikaduhang round sa WTA 125 Philippine Women’s Open.
Makig-atbang siya kang Himeno Sakatsume sa Japan sa round of 16 sa torneyo nga pagahimoon sa Rizal Memorial Tennis Center alas-6 sa gabii.
Ikaduha na kini nga higayon nga mag-abot ang duha ka tennis player.
Sa ilang unang pagsangka niadtong 2023 sa Osaka, Japan, napildi ni Sakatsume si Eala.
Apan wala magpakampante ang 24-anyos nga Japanese tennis player nga kasamtangang ranked 140, gumikan dako na og kausaban ang gipakita nga duwa ni Eala.
Sumala kang Sakatsume, lahi na ang lebel sa kahanas sa Pinay tennis star tandi sa miaging tuig.
Kahinumduman nga sa unang round sa torneyo, napildi ni Eala si Alina Charaeva sa Russia.