Duha ka indibidwal nga may mga pending nga warrant of arrest ang malampusong nasikop sa kapulisan sa Bukidnon niadtong miagiang adlaw, pinaagi sa hiniusang operasyon sa nagkalain-laing yunit sa PNP.
Una nga nadakpan sa Valencia City takna alas 10:15 sa buntag si Mae Ann Catubay Silva, 25 anyos, tungod sa kasong Child Abuse ubos sa R.A. 7610 nga adunay girekomendar nga piyansa nga Php10,000.00.
Pagka-alas 5:30 sa hapon, nasikop usab sa lungsod sa Talakag si Mojaimen Chavez Dumay, 26 anyos, alang sa kasong Less Serious Physical Injuries diin wala kini gitugotan nga makapiyansa alang sa pagserbisyo sa iyang sentensya.
Ang duha ka dinakpan gidala na sa tagsa-tagsa ka police station alang sa dokumentasyon samtang nagpaabot sa sunod nga kamatuoran sa korte.
Kini nga maong mga operasyon nagpakita sa padayong kampanya sa kapulisan batok sa mga wanted person aron masiguro ang kaluwasan sa tibuok Bukidnon.