KIBAWE, BUKIDNON – Duha ka patayng lawas ang nakaplagan sa Pulangi river sa Purok 10, Barangay Natulongan lungsod sa Kibawe, Bukidnon diin usa ka 70 anyos nga babaye ug usa ka wala pa mailhing lalaki.
Sa eksclusibong pakighinabi sa Bombo Radyo kay PCPT. Leonila Vicente, officer in charge sa Kibawe Municipal Police Station nga ang duha ka patayng lawas usa ka babaye ug lalaki nga parehong nakaplagan metros lang ang distansya.
Saysay pa ni PCPT. Vicente nga nakadawat sila ng report gikan sa usa ka mamingwitay nga maoy nakakaplag sa mga patay nga lawas. Ang patayng lawas sa babaye nailhan na usab sa pamilya ug nakuha na kagahapon pasado alas 4:35 sa hapon diin positibo kining giila sa anak ug sister in law niini diin ang biktima usa ka 70 anyos nga gikatahong aduna nay problema sa pangisip ug nailhan pinaagi sa sout nga necklace ug habak sa tiyan.
Dugang pa niini nga ang maong babae nareport na sa kapulisan sa syudad sa Malaybalay nga ulahi kining nakit an niadtong september 17, alas 8:00am sa buntag ug nakita na lamang ang mga nahabilin nga gamit niini kilid sa manupali river sa Brgy Bangcud ning syudad.
Sa laing bahin gumikan anaa na usab sa state of decomposition ang usa ka lalaki nga nakaplagan usab sa susamang lugar gilubong na kini kagahapon ug nakuhaaan na ug samples sa SOCO alang sa imbistigasyon. Wala pa kini nailhan ug padayon pa ang pag coordina sa kibawe police station sa tanan lungsod ug syudad sa mga nangawala nga mga tawo sa ilang lugar