Hustisya ang singgit sa kabanay sa namatay nga biktima nga usa ka 13-anyos nga lalaki human kini aksidenteng nahulog sa lawom nga bangag nga gikalot sa Ulticon Builders Inc. (UBI) sa Purok-8, Barangay Silae, Malaybalay City, pasado alas 3:00 sa hapon niadtong miaging adlaw.
Sa gihimo nga pakigsusi sa kapulisan ngadto sa pamilya, nasayran nga tulo ka mga bangag nga lagpas tawo ang gilawmon ang gikalot gamit ang backhoe sa bahin pipila ka sa sapa sa among lugar.
Sa wala pa ang trahedya, gisaysay sa mga igsuon sa biktima ang panghitabo diin mopauli na matud ang biktima gikan sa pagpananum og mais sa bukid uban niini apan wala damhang nahulog kini sa bangag taliwala sa sapa nga giingong walay gibutang nga bisan unsang security measures o timaan sa peligro ang mga trabahante sa maong kompanya.
Gisugilon usab sa kabanay nga aduna pay silay gihimo nga pagpakiluoy sa operator sa backhoe aron matabangan ang bata, apan mibalibad matud pa kini tungod kay kinahanglan pa nga mananghid sa ilang opisina.
Tungod niini, ang magpamilya na lamang ang nagtinabangay sa pagsalom sa maong bangag aron masalbar ang biktima apan subo nga nakabsan na kini sa hinulamang kinabuhi. Sa pagkakaron, desidido ang pamilya nga mopasaka og tukmang kaso batok sa mga nalambigit ug kinahanglang manubag sa maong insidente.