Nakaplagan ug narekober sa mga awtoridad ang lima ka bagolbagol sa tawo sa Barangay Dilimbayan, lungsod sa Maguing, Lanao del Sur niadtong milabayng adlaaw, human kini gi-report sa mga lumulupyo ngadto sa 55th Infantry Battalion sa Philippine Army.
Human sa gipahigayon nga proseso sa Scene of the Crime Operatives kon (SOCO), daling gidala ang maong mga kalabera ngadto sa sementeryo sa lungsod sa Amai Manabilang aron mahatagan og desente nga lubong o pagpahimutang.
Smtang padayon pa ang lawom nga imbestigasyon sa kapulisan ug militar aron mailhan ang mga biktima ug masuta ang responsable sa kamatayon niini, dungan sa panawagan ngadto sa mga pamilya nga adunay nawala nga kabanay o bisan kinsa nga adunay impormasyon sa pagdangop sa labing duol nga buhatan alang sa dinalian nga kasulbaran sa kaso.