HomeLocal NewsDuha angol sa managlahing aksidente sa kadalanan sa Bukidnon

Duha angol sa managlahing aksidente sa kadalanan sa Bukidnon

- Advertisement -

Duha ka drayber sa motorsiklo ang naangol sa managlahing aksidente sa Maramag ug Talakag, Bukidnon kagahapon sa gabii, Nobyembre 13.

Sa Maramag, angol ang 40-anyos nga babaye ug 26-anyos nga lalaki human magbangga ang ilang mga motorsiklo sa Kiuntod, Camp 1, pasado alas 7:40 sa gabii.

Base sa imbestigasyon, misulay og liko sa wala nga bahin ang usa sa mga motorsiklo nga gimaneho sa babaye dihang nabanggaan kini sa Honda XRM nga naggikan sa luyo.

- Advertisement -

Gidala silang duha sa Bukidnon Provincial Hospital–Maramag ug anaa sastable nga kondisyon ang kahimtang.

Samtang sa Talakag, naangol ang 51-anyos nga drayber human kini banggaan sa usa ka nagmaneho usab og motorsiklo sa Sitio New Visayas, Barangay Sagaran.

Giingong misobra sa kurbada ang RUSI nga gimaneho sa 31-anyos nga lalaki ug misulod sa pikas direksiyon, hinungdan sa bangga diin gidala ang biktima sa Bukidnon Provincial Hospital–Talakag alang sa pagtambal.

- Advertisement -

Sa pagkakaron, anaa na sa Talakag Municipal Police Station ang mga nalambigit nga sakyanan ug ang drayber sa RUSI alang sa tukmang disposisyon.

Gibutyag usab sa kapulisan nga ang tulo ka drayber walay napresentar nga kompletong dokumento sa ilang mga motorsiklo, samtang ang drayber sa RUSI giingong posibleng lango og makahubog.

- Advertisement -
RELATED ARTICLES
- Advertisment -

MORE NEWS