Nagpadayon ang paglutaw sa dugang pang mga isyu ug kuwestiyon sa paggamit sa confidential funds sa Office of the Vice President atol sa impeachment trial.
Gibutyag ni House prosecution spokesperson ug Tingog Party-list Representative Jude Acidre nga posible pang mas daghan ang mga kuwestiyonableng ngalan nga nalambigit sa paggamit sa confidential funds sa (OVP) gawas sa napulo ka ngalan nga gipresentar sa impeachment trial.
Dugang pa niini, usa usab sa mga isyu nga gipasikad sa testimonya sa saksi mao ang paghatag og confidential funds sa Department of Education, nga hinungdan sa pangutana kon unsay kalabutan niini sa mga kalihokan nga may kalabotan sa national security.
Gipadyag usab niini nga dako ang natabang sa testimonya sa mga saksi gikan sa Commission on Audit (COA) sa pagpalig-on sa unang artikulo sa impeachment complaint batok kang Vice President Sara Duterte nga may kalabotan sa paggamit sa confidential funds.
Subay sa maong isyu, giawhag ni Acidre ang publiko, ilabina ang mga taga-Mindanao, nga sundon ug sabton ang impeachment proceedings uban ang bukas nga panghunahuna ug pagrespeto sa legal nga proseso aron masiguro ang usa ka patas ug kasaligan nga resulta.