Gipahibalo sa International Criminal Court (ICC) nga gitugotan na ang 500 ka aplikante, nga mga biktima sa crimes against humanity ni kanhing Pangulong Rodrigo Duterte, nga makapil sa pagdungog sa kaso.
Base sa lima ka panid sa desisyon sa Pre-Trial Chamber 1, natapos na nila ang assessment sa Victims Participation and Reparation Section (VPRS) sa 227 ka applications alang sa 500 ka indibidwal.
Wala silay nakit-an nga problema sa assessment, busa gitugotan na ang 500 Group A applicants nga makapil isip biktima sa pagdungog.
Girepresenta usab sila sa Common Legal Representative for Victims, nga mao ang unang nagrepresenta sa nag unang mga biktima.
Gipahibalo nga ang Chamber niuna nang miandam sa pagdawat sa dugang nga mga biktima kaniadtong Enero 28, 2026.
Nag-atubang ang kanhing pangulo sa kaso sa crimes against humanity tungod sa murder ug attempted murder nga may kalabutan sa iyang kampanya kontra sa iligal nga droga gikan sa panahon nga alkalde sa Davao City hangtod sa iyang pagka-pangulo sa Pilipinas.