Giapod-apod sa Department of Labor and Employment (DOLE) Bukidnon Provincial Field Office ang kinatibuk-ang siyam ka milyon ka pesos nga suhol ngadto sa 1,200 ka trabahante sa tubo sa mga lungsod sa Maramag, Quezon ug Don Carlos pinaagi sa Tulong Panghanapbuhay sa Ating Disadvantaged Workers o TUPAD Program.
sos matag adlaw sulod sa 15 ka adlaw nga pagtrabaho, bugti sa 7,500 pesos matag usa.
Lakip sa ilang mga buluhaton ang pagpanglimpyo ug pagkuha sa mga bara sa mga pasilidad publiko, pagputol sa taas nga sagbot ug mga sanga sa kahoy, ug paglimpyo sa mga parke ug tanaman sa komunidad.
Gipatuman ang maong programa alang sa mga trabahante sa tubo nga naapektuhan sa gitawag nga tiempo muerto o panahon nga temporaryong mohunong ang operasyon sa mga galingan sa tubo, hinungdan nga mawad-an sila sa regular nga panginabuhian.
Pinaagi sa TUPAD Program, gihatagan sila og temporaryong trabaho aron makatabang sa ilang pinansyal nga panginahanglan samtang wala pay regular nga kita panahon sa off-season sa industriya sa tubo.