Usa ka chef sa Finland ang nakatala og Guinness World Records human mahurot ang 500 mililitro nga orange soda sulod lamang sa 3.16 ka segundos.
Ang 26-anyos nga si Tomi Kotilainen nakahimo sa maong rekord niadtong Hunyo 13 sa Järvenpää, Finland, diin iyang gipili ang lokal nga brand nga Jaffa, nga iyang gihulagway nga pinakamaayong ilimnon sa kalibutan.
Nahimong unang tawo si Kotilainen nga nakahupot sa maong rekord, human niini malabwan ang gitakdang tumong nga mahurot ang ilimnon sulod sa lima ka segundo.
Matud niini, plano pa niyang mosulay sa ubang paspas nga pag-inom nga mga rekord ug nagtuo nga mahimo pa niyang mapamubo ang iyang oras pinaagi sa dugang nga praktis.
Bisan pa sa iyang kalampusan, pahinumdom kini nga ang pag-inom og daghang ilimnon sa mubo nga panahon mahimong makamugna og peligro sa panglawas, busa dili kini angay sundogon.