Walay pulos o dili epekto sa impeachment trial ang pagsibog kang kanhi senador Antonio Trillanes isip saksi, sumala sa usa ka law expert.
Sa pakighinabi sa Bombo Radyo Malaybalay kang Atty. Oscar Moreno usa ka propesor ug law expert, dili otomatikong makaapekto sa kaso ang dili pagpadayon ni Trillanes sa pagtestigo, tungod kay kinahanglan gihapon sa prosecution nga mapamatud-an ang ilang mga alegasyon.
Gihisgutan usab sa eksperto ang mga rekord sa Anti-Money Laundering Council o AMLC, lakip ang covered transaction reports ug suspicious transaction reports nga giingong may kalabotan sa mga bank account ni Vice President Sara Duterte. Samtang legal nga isyu matud pa kung mahimong ipagawas sa impeachment court ang maong mga rekord tungod sa confidentiality nga gilatid sa Anti-Money Laundering Law.
Gipatin-aw sa eksperto nga sentro sa diskusyon kung confidential ba gyud ang impormasyon gikan sa AMLC o mahimong magpagawas niini ang impeachment court pinaagi sa subpoena.