Gidagsa sa liboan ka mga manan-aw ang Linda Mar Beach sa Pacifica, California alang sa ika-10 nga World Dog Surfing Championships, diin 14 ka iro ang nagpakita sa ilang kahanas sa pagsakay sa ilang mga surfboards.
Gisusi ang mga partisipante base sa gitas-on sa ilang pagsakay sa balod, balanse, kumpiyansa, ug mga trick nga ilang gipakita sa surfboard.
Nasakmit sa Labrador retriever nga si Rippin Rosie ang kampeonato sa large ug extra-large category, lakip na ang tandem stand-up paddleboarding uban sa iyang tag-iya.
Nakadaog usab si Iza, usa ka French bulldog, sa medium category, samtang nanguna si Bradley “Shortboard” Cooper sa small dog category.
Tungod sa kusog nga mga balod, gipamubo ang kompetisyon ug gikansela ang final surf-off round.
Hinuon, gihatagan si Rippin Rosie sa “Spirit of Surfing Award” isip overall champion sa maong kompetisyon.