Gikondena sa Department of Information and Communications Technology o DICT ang pagpamusil sa Banga National High School sa South Cotabato nga miresulta sa pagkasamad sa pipila ka estudyante ug pagkamatay sa tulo ka indibidwal.
Gibutyag ni DICT Secretary Henry Aguda nga kinahanglan seryosohon ang mga insidente nga nalambigit ang kabatan-onan, ilabina ang posibleng impluwensya sa mga online groups ug subcultures nga nagpakuyanap og violent extremist content.
Matud sa kalihim, mahimong targeton sa maong mga grupo ang mga menor de edad ug vulnerable nga kabatan-onan pinaagi sa grooming ug manipulation.
Dugang pa ni Aguda nga dili lamang kini isyu sa screen time, kundili kabahin usab sa child safety ug public safety.
Gipadayag usab sa DICT nga palig-onon pa niini, kauban ang nagkalain-laing pang mga ahensya sa gobyerno, ang monitoring, information sharing, intervention ug safeguards batok sa harmful online content.