Nagpadayon ang clearing operations sa Sitio Overview, Barangay Kalagangan, San Fernando, Bukidnon, diin kapin na sa napulo ka adlaw nga dili maagian sa mga bus ug dagkong sakyanan ang maong dalan tungod sa dakong landslide.
Sa pagkakaron, mga single nga motorsiklo lamang ang makalusot sa apektadong bahin sa dalan.
Misamot pa ang kahimtang human usab madaot ang usa ka bahin sa Buda Road, nga maoy gigamit nga alternatibong ruta sa mga biyahero.
Aron mapaspasan ang paglimpyo sa dalan, nagtinabangay ang DPWH, LGU San Fernando, ug usa ka contractor pinaagi sa pagdeploy og mga backhoe, bulldozer, loader, ug dump truck sa lugar.
Samtang, padayon nga gibati ang epekto sa landslide sa transportasyon ug panginabuhi, ilabina sa mga negosyante ug mga nagkarga og produkto nga paingon sa Tagum tungod kay dili na makalabay ang mga dagkong trak.Â