MANILA — IPATAWAG ni Pangulong Ferdinand “Bongbong” Marcos Jr. sa Malacañang si Chinese Ambassador to the Philippines Huang Xilian subay sa pinakabag-ong insidente tali sa Philippine Coast Guard (PCG) ug China Coast Guard (CCG) sa Ayungin Shoal.
Sumala ni Palace Press Officer Usec. Claire Castro, giisip sa Palasyo nga usa ka national security issue ang maong hitabo diin giingong gibato sa mga personahe sa CCG ang mga tropa sa PCG nga patrolya padulong sa BRP Sierra Madre.
Lahi usab ang bersyon sa China human kini nagpagawas og video nga nag-akusar nga ang mga Pilipino kuno ang nagsugod sa engkwentro. Apan sa kasamtangan, nag-coordinate na ang Department of Foreign Affairs (DFA) ug Department of National Defense (DND) alang sa ipatuman nga mga diplomatic actions.
Gipahimug-atan ni Pangulong Marcos nga samtang bukas ang Pilipinas sa pakighigala ug kooperasyon sa ubang nasod, dili gayod ikompromiso sa iyang administrasyon ang soberanya ug dignidad sa nasod.