Lt. Gen. Antonio Nafarrete, opisyal nang milingkod isip ika-61 nga AFP Chief of Staff

Pormal nang milingkod si Lt. Gen. Antonio Nafarrete isip ika-61 nga Chief of Staff sa Armed Forces of the Philippines (AFP) pinaagi sa gipahigayong turnover of command ceremony sa Camp Aguinaldo. Gipangulohan ni Pangulong Ferdinand Marcos Jr. ug Department of National Defense (DND) Secretary Gilbert Teodoro ang maong okasyon, diin gipuli si Nafarrete kang Gen. Romeo Brawner Jr. nga opisyal nang niretiro human nakakompleto sa iyang tulo ka tuig nga fixed term.

Sa iyang pormal nga pamahayag, gipasalig ni Nafarrete nga iyang hatagan og prayoridad ang pagpalig-on sa territorial defense sa nasod, ang pagpadali sa modernisasyon sa militar, ug ang pagpabilin nga propesyonal ug matinud-anon sa Konstitusyon. Dungan niini, gipahibalo usab sa Department of National Defense (DND)  nga si Lt. Gen. Donald M. Gumiran, nga kanhi commander sa Western Mindanao Command (WestMinCom), ang mopuli sa pwesto ni Nafarrete isip bag-ong Commanding General sa Philippine Army.