24-anyos nga suspek sa pag-hack sa FBI, nadakpan sa Netherlands 

Nadakpan sa Dutch police ang usa ka 24-anyos nga lalaki nga gituohang miyembro sa ShinyHunters cybercrime group nga giakusahan sa pagpangawat sa sensitibong impormasyon sa mga kawani sa Federal Bureau of Investigation (FBI).

Sumala sa Dutch police, taga-Amsterdam ang suspek ug giimbestigahan usab siya kalabot sa giingong tangkang pagpatay sa wala pa gibutyag sa FBI ang pagkompromiso sa impormasyon sa mga miyembro niini.

Narekober sa laptop sa suspek ang daghang impormasyon, lakip ang mga detalye nga may kalabotan sa giingong mga plano sa pagpatay sa ubang nasod.

Gibutyag kaniadto sa FBI nga nakompromiso ang impormasyon sa kapin 38,000 ka kawani niini.