- Advertisement -
Gilauman ang dakong pagsaka sa presyo sa mga produktong petrolyo sa sunod semana, sumala sa Department of Energy–Oil Industry Management Bureau (DOE-OIMB).
Posibleng mosaka og P9.50 hangtod P10.50 kada litro ang diesel, P3.50 hangtod P4.50 kada litro ang gasolina, ug P11.00 hangtod P12.00 kada litro ang kerosene.
Matud sa DOE, ang gilaumang price increase tungod sa pagtaas pag-usab sa tensyon sa Middle East nga naghatag og kabalaka sa posibleng pagkabalda sa suplay sa lana sa kalibutan.
- Advertisement -
Apan, gipatin-aw sa ahensya nga ang pagtaya gibase pa lamang sa upat ka adlaw nga trading sa internasyonal nga merkado ug mahimo pang mausab depende sa resulta sa katapusang adlaw sa trading.
- Advertisement -