Misikat karon ang 25-anyos nga si Chen Qin gikan sa Hubei, China, tungod sa iyang kahanas sa pag-ukit sa karots gamit lang ang ngipon, diin makahimo siya og lainlaing istruktura ug porma.
Nagsugod kini nga kalingawan aksidente samtang siya nag-stream ug nagkaon og karots, ug nakahimo siya og porma nga nakadani sa mga nanan-aw.
Misuway siya sa ubang utanon sama sa rabanos, apan nakapahasol kini sa iyang tiyan, mao nga mibalik siya sa karots.
Ang karots lig-on, hayag ang kolor, ug dili makadaot sa ngipon kondiin sa iyang pag-ukit, gamiton lang niya ang incisors ug usahay ang canines, ug maghinay-hinay sa detalye.
Sa pagkakaron, nakahimo na siya og kapin sa 100 ka eskultura sa karots, lakip na ang Great Wall of China ug Yellow Crane Tower.
Aron maprotektahan ang ngipon, naglikay siya sa tam-is ug softdrinks, ug magpahuway kung dugay na siya nag-ukit gumikan usahay makasinati siya og sakit sa ngipon.