Patay ang 26-anyos nga lalaki samtang nasikop kini gibunalan og steel bar sa ulo ug liog sa iyang 53-anyos nga amahan didto sa Sitio Mabuhay, Barangay West Dalurong, Kitaotao, Bukidnon.
Giila ang biktima sa alyas nga “Jorje,” nga gideklarang dead-on-arrival sa Bukidnon Provincial Hospital sa Maramag pasado alas 10:30 sa buntag niadtong milabay’ng adlaw.
Base sa imbestigasyon, naglalis ang biktima ug iyang igsoon, misulay na matud pa og suntok si Jorje sa iyang igsoon apan gilabwan kini sa ilang amahan gamit ang steel bar, nga miigo sa iyang ulo ug liog.
Tungod sa kalayo ug kalisod sa lugar, mokabat pa og tulo ka oras ang pagdala sa biktima paingon sa sentro sa barangay aron makasakay og sakyanan padulong sa ospital.
Nakakustudiya na karun sa Kitaotao MPS ang suspek ug giandam ang tukmang kaso batok niini.