Nakasulod sa kasaysayan ang Alas Pilipinas Women human makuha ang ilang unang silver medal sa SEA V League pinaagi sa pagpilde sa Indonesia sa usa ka kulbahinam nga upat ka set nga duwa, 25-13, 23-25, 25-19, 33-31, didto sa Chiang Mai, Thailand.
Gipangulohan ni Alyssa Solomon ang nasyonal nga koponan human nagpabusikad og 19 ka puntos, samtang nag-amot usab og tag-17 ka puntos sila si Bella Belen ug Eya Laure. Kini ang labing maayong nahimo sa Pilipinas sa maong torneyo pagkahuman nga bronze medal lamang ang makuha sa nasod sa mga nakalabay nga edisyon.
Bisan pa sa tensyonado ug sikit nga panag-agbat sa ika-upat nga set diin nagbayloay og set points ang duha ka koponan, nagpabilin nga lig-on ang depensa ug pag-atake sa Filipina spikers sa paggiya ni setter Jia de Guzman aron maangkon ang makasaysayanong kadaugan.