Wala miuyon si Acting Budget Secretary Rolando Toledo sa pagtangtang sa unprogrammed appropriations gikan sa nasudnong pondo para sa 2027.
Gisugdan na sa Department of Budget and Management (DBM) ang preparasyon sa sugyot nga pondo para sa sunod tuig.
Matud ni Toledo, dili sayup ang unprogrammed appropriations, ang problema kung unsaon kini paggasto.
Importante nga limitahan ang mga programa ug proyekto nga isulod sa sugyot nga pondo. Dugang pa niya, nga ang unprogrammed funds importante ilabi na sa foreign-assisted projects ug mga Public-Private Partnership projects nga maaprubahan human matakda ang tinuig nga spending plan.
Apan, nasayran nga ang unprogrammed appropriations gigamit aron pondohan ang bilyones nga kantidad sa flood control projects sa ilawom sa Department of Public Works and Highways sa 2023 ug 2024.
Gikumpima usab ni Toledo nga ang mga pondo gikan sa unprogrammed appropriations gigamit kini sa maong mga proyekto.