Nanawagan si Presidente Ferdinand Marcos Jr. og restraint ug de-escalation sa nagpadayong panagbangi sa Middle East ug sa uban pang Nasud sa kalibutan.
Atol sa pakigpulong sa UN General Assembly, gipasiugdahan sa Presidente nga mahinungdanon ang pagpahunong sa gubat ug ang pagtahod sa international law, lakip na ang United Nations Charter ug humanitarian law.
Gidugang sa Presidente nga kinahanglang mobalik ang tanang bahin sa negosasyon aron makab-ot ang malungtarong kalinaw.
Matud pa niini, dugay na nga nakig-alayon ang Pilipinas sa pagmintinar sa tibuok kalibutang kalinaw ug seguridad.
Isip kamatuoran, gihisgutan sa Presidente nga ang Pilipinas usa sa mga unang nasud nga nitubag sa panawagan sa United Nations alang sa tabang niadtong Korean War, nga nagpakita sa lig-on nga baruganan sa nasod sa pagpasiugda og kalinaw sa kalibutan.
Matud pa niini, importante ang kooperasyon sa matag nasod aron mapadayon ang kalig-on sa tibuok kalibutan.
Sa pagtapos, gipaniguro sa Presidente nga padayong molihok ang Pilipinas sa mga isyu sa climate action, humanitarian assistance, ug human rigjhts isip kabahin sa niii sa responsableng papel sa tibuok kalibutan ug mahimong sulosyon sa mga problema nga giatubang sa kalibutan.