Gibutyag ni kanhi US boxing champion Floyd Mayweather nga aduna pa kini pipila ka away sa dili pa ang gipaabot nga rematch kang eight-division world champion Manny Pacquiao.
Matud sa 48-anyos nga si Mayweather, nga makasangka niini si legendary American former undisputed heavyweight champion Mike Tyson sa usa ka exhibition match, nga ipahigayon karong Abril 25, 2026.
Human sa duha ka bulan, maksangka usab niini ang Greek kickboxer nga si Mike Zambidis sa usa ka exhibition fight sa bulan sa Hunyo sa Athens, Greece.
Ang 45-anyos nga Zambidis, maoy 18 -time world champion kansa miretiro nga adunay rekord nga 157 ka daog ug 24 ka pildi sa kickboxing.
Ang duha ka exhibition fights magsilbing warm-up alang sa umaabot nga rematch ni Pacquiao karong Septiyembre 19, 2026.
Dili na bag-o alang kang Mayweather ang mga exhibition fight, tungod human sa katapusang professional fight niini batok ni Conor McGregor, kaniadtong 2017, giatubang usab niini ang kickboxing star nga nahimong boksidor Tenshin Nasukawa kaniadtong 2018 ug WWE star Logan Paul kaniadtong 2021 sa exhibition matches.