Gisaway ni Department of Justice Sec. Jesus Crispin Remulla ang nahimong lakang ni Sen. Imee Marcos batok kanila.
Kahinumdumang nagpaguwa og kamanduan ang Office of the Ombudsman nga tubagon ang gidusong petisyon ni Sen. Imee Marcos batok sa 5 ka mga dagkong opisyal sa gobyerno labot sa ‘iligal’ matud pa nga pag-aresto kang kanhi Pang. Rodrigo Duterte naidtong Marso 11 ning tuiga.
Sumala pa ni Remulla nga buot lamang makakuha og ‘publicity’ ang maong senadora ilabi na nga hapit na ang adlaw sa piniliay. Hinoon, gipaniguro ni Remulla nga tubagon nila ang gipaguwang direktiba sa Ombudsman.
Alayon sa tubag sa 5 ka mga tag-as nga opisyal, gikinahanglan sab matud pa sila nga magsumite sa ilang counter-affidavit sa reklamo nga gisang-at ngadto sa Committee on Foreign Relations.
Gawas kang Remulla, gikinahanglan sab nga mutubag sila DILG Sec. Jonvic Remulla, PNP Chief Gen. Rommil Marbil, PNP CIDG Chief Nicolas Torre III ug Special Envoy for Transnational Crimes Markus Lacanilao.