Balor sa piso misubsob sa record low nga ₱63.06 kada dolyar

Misubsob sa bag-ong rekord nga ubos ang bili sa piso human mosaka sa ₱63.06 ang usa ka dolyar sa closing exchange rate niadtong Huwebes, Oktubre 15.

Mas huyang kini sa miaging ₱62.87 nga panapos nga bili.

Matud sa mga ekonomista, nakatampo sa paghuyang sa piso ang pagsaka sa inflation sa Estados Unidos, taas nga presyo sa lana ug kawalay kasigurohan tungod sa panagbangi sa Middle East.

Tungod niini, posibleng mosaka ang gasto sa mga inangkat nga produkto, ilabina ang lana ug gasolina, nga mahimong mosangpot sa dugang nga pagmahal sa mga palaliton sa nasod.