Mibalik sa Kalibo International Airport ang usa ka eroplano paingon South Korea gumikan lamang sa power bank sa pasahero na nahilakip sa mga bagaheng nacheck-in.
Sa nahimong imbestigasyon sa otoridad, inay nga i-hand carry sa pasahero ang iyang power bank, nahilakip kini sa pagcheck-in.
Human ang usa ka oras nga biyahe sa kawanangan, luwas nga nakabalik sa airport ang eroplano ug gilayong gigawas ang gamit sa pasahero aron kuhaon niini ang iyang power bank.
Gumikan sa maong insidente,subling nagpahinumdom ang otoridad sa mga pasahero nga tumanon ang sumbanan aron malikay sa mga alanganing biyahe ang matag usa.
Dugang pa nga gikinahanglan matud pa nga ipahibalo sa matag pasahero sa kada check-in station pa lamang ang mga gipangdalang electronic device.
Kahinumduman nga ang maong kamanduan nag-ugat human nga nagpaguwa og bag-ong aviation safety rules ang South Korean Transport Ministry labot sa pagdala og portable batteries human nasunog ang usa ka eroplano sa Air Busan ayha muhawa sa usa ka airport za Hong Kong.