USS Abraham Lincoln, naka-abot na sa Middle East

Gikumpirma sa militar sa Estados Unidos ang pag-abot ni USS Abraham Lincoln carrier strike group sa Middle East.

Kini aron pakusgon ang presensya sa militar sa Amerika taliwala sa nagkagrabe nga tensyon batok sa Iran.

Sumala sa US Central Command, tumong sa maong deployment ang pagmentinar sa seguridad ug kalinaw sa rehiyon.

Gibutyag ni U.S. President Donald Trump nga abli gihapon ang US sa pakig-negosasyon sa Iran bisan pa man sa pagpadala sa maong grupo sa mga barkong pang gyera duol sa Iran.