Kapin sa tunga sa mga bata nga Sudan ang nakaundang sa pagtuon gumikan nagpadayon nga civil war sa Sudan.
Matud ni Onger Ashing, Chief Executive Officer Save the Children, kapin sa walo ka milyong mga bata ang naapektuhan human masirhan, madaot, ug gigamit isip evacuation centers ang daghang eskwelahan sa nasud.
Matud pa sa grupo, daghang kabataan ang halos 500 ka adlaw nang wala naka-ekskwela tungod sa maong kagubot, mas dugay pa tandi sa disruption nga nahitabo panahon sa COVID-19 pandemic.
Base sa report sa Save the Children, daghang magtutudlo ang napugos sa pag-undang sa pagtudlo tungod sa kakulang sa sweldo ug kahimtangan sa seguridad, samtang sa ubang lugar sama sa Darfur, pipila na lamang ka porsyento sa mga eskwelahan ang operational.
Sumala usab ang mga humanitarian groups nga kung dili gilayon masolbad pinaagi sa international support ug dugang funding, posibleng motungha ang usa sa pinakagrabeng education crisis sa kalibutan, nga magbutang sa milyon-milyong kabataan sa risgo sa exploitation, early marriage ug recruitment sa armadong grupo.