US, mopahamtang og silot batok sa ICC

Gipahibalo ni US Secretary of State Marco Rubio nga mopahamtang ang Estados Unidos og mga silot batok sa International Criminal Court (ICC).

Sa gipagawas nga pamahayag ni ni Rubio, ang maong lakang kabahin sa baroganan sa administrasyon sa US batok sa mga lihok sa ICC nga ilang gisupak.

Sa pikas bahin hugot nga gikondena sa International Criminal Court (ICC) ang pagpahamtang og mga silot sa Estados Unidos batok sa maong korte. Matud pa ni ICC President Tomoko Akane, dili madawat ang maong mga silot tungod kay independente ug subay sa balaod ang ilang gihimong mga imbestigasyon.

Gipasiugda sa ICC nga ang ilang mga lakang kabahin sa pagtuman sa ilang mandato sa pagpatuman sa hustisya subay sa internasyonal nga balaod.