Gisaway ni kanhi Senate President Franklin Drilon ang Independent Commission for Infrastructure (ICI) ug gitawag kini nga usa ka “dead body” o patay’ng lawas tungod sa kakuwang sa agi ug aksyon niini sa ilawom sa administrasyon ni Presidente Ferdinand “Bongbong” Marcos Jr.
Matud ni Drilon, ang ICI, nga gitahasan sa pagmonitor ug pagsiguro sa integridad sa mga proyekto sa imprastraktura sa nasod, nahimo na lang nga dekorasyon tungod kay wala kini’y gipakita nga mahinungdanong resulta o imbestigasyon sa mga mulo sa korapsyon.
Gipasangil sa kanhi senador nga ang kakuwang og political will ni PBBM sa pagpalig-on sa maong komisyon maoy hinungdan ngano nga wala kini’y kuko sa pagpatuman sa ilang mandato. Dugang pa ni Drilon, usik lang ang pondo sa kagamhanan sa usa ka ahensya nga dili aktibo ug dili makahatag og hustisya sa katawhan batok sa mga anomalya sa dagkong proyekto.
Nanawagan siya sa administrasyon nga seryosohon ang paglimpyo sa gobyerno imbes nga pasagdan lang ang mga komisyon nga wala’y pulos.