Gibutyag ni Pantaleon Encarnacion Barangay Kagawad sa Dagatkidavao, Valencia City nga ang biktima gi-report nga nawala sukad pa sa Martes sa gabii ug sa milabayng adlaw lamang napablater sa kapulisan.
Matod ni Kagawad Encarnacion, sa sinugdan wala gikabalak-an sa pamilya ang pagkawala gumikan nagtuo sila nga kauban niini ang mga higala sa bata.
Apan sa wala na kini makauli sa pipila ka adlaw gilayon nga gipangita na kini kauban sa tabang sa mga barangay tanod ug padayon nga pagpangita, ug nadiskubrehan ang patay’ng lawas sa biktima nga wala nay ulo.
Gipasabot usab sa Kagawad nga adunay iyang gihunahuna nga person of interest lakip ang kapulisan base sa mga pamahayag sa mga residente ug sa mga nakakitang tawo nga naa sa maong lugar sa oras nga gituohang nahitabo ang insidente.
Sa karon, padayon pa ang imbestigasyon sa kapulisan aron matino ang tinuod nga nahitabo ug kinsa ang responsable.