Wala matud pay plano si Vice Ganda nga motambong sa Gabi ng Parangal sa 2025 Metro Manila Film Festival (MMFF) bisan pa man sa iyang kadaugan isip Best Actor para sa pelikulang ”Call Me Mother.”
Matud pa niini nga panagsa ra siya mutambong sa mga MMFF awards ceremonies tungod kay kasagaran natunong kini sa panahon sa ilang bakasyon sa iyang inahan matag holiday season.
Sa unang adlaw pa lang sa shooting sa ”Call Me Mother,” gisultihan na matud pa niini ang iyang direktor nga si Jun Lana nga dili kini moadto sa awards night. Gipahayag ni Vice nga mitambong lang kini sa miaging tuig isip pakighiusa sa pagsaulog sa ika-50 nga anibersaryo sa MMFF ug isip suporta sa pelikula ug sa direktor niini.
Nausab lang ang iyang desisyon human naka kaistorya sa iyang boss nga, matod pa ni Vice, mipahinumdom kaniya nga ang pagtambong sa awards night dili tungod sa paglaum nga modaog kundili isip suporta sa lokal nga industriya sa pelikula, sa festival ug sa iyang mga kauban nga artista.
Tungod niini, napugos sa pagtambong si Vice ug nangayo pa og tabang sa styling team sa iyang co-star nga si Nadine Lustre para sa iyang hitsura niadtong gabhiona.
Gawas sa Best Actor award ni Vice Ganda, nakakuha usab ang ”Call Me Mother” og mga pasidungog sama sa Third Best Picture, Best Child Performer ug Gender Sensitivity Award sa 2025 MMFF Gabi ng Parangal.