Gipirmahan na ni Presidente Ferdinand Marcos Jr. ang General Appropriations Act (GAA) alang sa fiscal year 2026 karong Lunes, Enero 5, human sa lawom ug hugot nga pagtuon sa gisugyot nga nasudnong budget.
Ang 2026 national budget nga nagkantidad og ₱6.793 trillion gipirmahan pinaagi sa usa ka ceremonial signing sa Malacañang.
Giratipikahan sa Kongreso ang GAA 2026 niadtong Disyembre 29, 2025, ug kini gipailalom hingpit nga pagsusi sa Pangulo aron masiguro nga ang pondo nga igahin mabutang sa husto nga mga proyekto ug direktang mapuslan sa katawhan, ilabi na sa sektor sa edukasyon, panglawas, ug uban pang nag-unang serbisyo.
Tungod kay wala pa kini napirmahan sa wala pa matapos ang Disyembre 2025, gipatuman usa ang reenacted budget sa unang mga adlaw sa 2026 samtang gihulat ang pirma sa Pangulo.