Mitaas ang kahigayonan sa Pilipinas nga makasulod sa semis sa women’s football sa nagpadayong elimination round sa 2025 Southeast Asian Games.
Gipildi sa Philippine Women’s National Football Team ang defending SEA Games champion nga mao ang Vietnam, 1-0, sa maong pagsangka didto sa Chonburi Daikin Stadium sa Thailand.
Nasakmit ni Mallie Ramirez ang winning goal sa tunga-tunga sa dula. Nakaiskor usab og usa ka goal si Ramirez sa dihang gipildi sa Myanmar ang Pilipinas niadtong Biyernes, Disyembre 5.
Ang Pilipinas kasamtangang naghupot og 1-1 nga rekord ug gikatakdang makigsangka sa Team Malaysia karong Disyembre 11, ubos sa Group D.
Sa maong dula, kinahanglang modaog ang Team Philippines aron masiguro nga makaabante kini sa sunod nga elimination round.
Samtang ang top-2 nga mga nasud lamang sa matag grupo ang makaabante sa sunod nga hugna, base sa SEAG.
Nanguna ang Team Myanmar sa grupo nga adunay 2-0 win-loss record.