Mitahan na sa sabakan sa gobyerno ang laing pito ka miyembro sa walhong grupo kon New People’s Army.
Gidala niini uban sa ilang pagtahan ang nagkalain-laing armas nga ilang gisurender, lakip na ang usa ka M4 Assault Rifle, usa ka M1 Garand nga adunay buhing magazine, duha ka Uzi Submachine Guns, usa ka caliber .45 pistol, usa ka caliber .38 revolver, rifle grenade ug detonating cords.
Sa eksklusibong pakighinabi sa Bombo Radyo Malaybalay kang Col. Manuel Estanilla, Commanding Officer sa Task Force Oro ug 403rd Infantry “Peacemaker” Brigade Philippine Army, mipadayag nga kini nga gawas sa kampanya sa pagpasurrender sa walhong grupo, gitutoka usab ang aktibong pagpangrekrut hilabi na sa mga estudyante ug sibilyan.
Giawhag sa militar ug kapulisan ang publiko, lakip na ang mga administrador sa mga tulonghaan, nga magmatngon batok sa mga taktika sa pagpangrekrut nga sagad targeton ang kabatan-onan.
Gisiguro usab sa mga otoridad nga masuportaan ang mga mitahan balik sa sabakan sa gobyerno nga mga miyembro sa walhong grupo pinaagi sa Livelihood Assistance kon pinasyal nga tabang alang sa panginabuhian.
Matud LtCol. Jeorge Jallorina, Commanding Officer sa 8th Infantry Battalion, miluwat kini nga adunay 16 ka People’s Organizations gikan sa mga barangay sa Impasugong ug Upper Pulangi, Malaybalay City ang nakadawat sa livelihood assistance.
Ang maong pinansyal nga tabang gitunol pinaagi ni Hon. Arlyn P. Ayon kansa mao ang nagpaluyo sa mga proyektong makatabang sa komunidad.
Lakip sa gipang-apod-apod nga livelihood packages ang hog-raising projects, pellet-making machines, ug ubang kagamitan nga makatabang sa pagpalapad sa panginabuhi sa mga sa mga People’s Organizations ug Former Rebels.
Gilauman nga kini maghatag ug dugang kusog sa ilang operasyon, hilabina sa mga nagpuyo sa Geographically Isolated and Disadvantaged Areas, diin limitado ang akses sa oportunidad ug serbisyo.