Venezuela gisirado na ang embahada sa Norway

Gisirado sa Gobyerno sa Venezuela ang ilang embahada sa Oslo, Norway diin ang maong lakang ilang gihulagway nga kabahin sa usa ka restructuring program sa ilang foreign services.

Ang anunsiyo gibuhat pipila ka adlaw human gipasidunggan si Venezuelan opposition leader María Corina Machado isip usa sa mga mananaog sa Nobel Peace Prize.

Samtang, gikumpirma usab sa foreign ministry sa Norway nga sirado na usab ang embahada sa Venezuela nga nahimutang sa ilang kapital nga lungsod sa Caracas.

Apan wala na kini maghatag og dugang detalye kalabot sa maong isyu.Hangtod karon wala pay klarong tubag ang Venezuela kung adunay kalabutan ang pagsira sa embahada sa kontrobersiyal nga pasidungog nga nadawat sa ilang kritiko.