Gibanabanang mukabat sa kantidad P1,155,000 milyon ang damyos sa natigayong sunog nga nahitabo sa Manolo Fortich, ning lalawigan.
Base sa nakalap nga impormasyon sa Bombo Radyo Malaybalay, ang maong sunog naggikan sa E & V Hardware and Construction Supply nga nahimutang sa Sitio Calanawan, Barangay Tankulan, Manolo Fortich.
Sa inisyal nga imbestigasyon, napamatud-an nga ang sinugdanan sa sunog nagsugod bandang alas 7:00 sa gabii sa maong adlawa, sulod sa bodega sa maong tindahan nga gipanag-iya sa usa ka 68 anyos nga minyo, negosyante nga taga-Poblacion, Barangay Tankulan, Manolo Fortich.
Base sa inisyal nga findings, ang hinungdan sa sunog mao ang depektibo nga electrical wiring—partikular ang arcing-related short circuit.
Gikompirma sa Bureau of Fire Protection kon BFP – Manolo Fortich, nga nafire-out na pasado 8:36 sa gabie.
Samtang wala usab natala nga samaran o naangol nga indibidwal sa maong insidente.