Pipila ka mga landslide ang nahitabo sa lungsod sa Manolo Fortich, Bukidnon, tungod sa walay hunong nga pag-ulan nga dala sa Bagyong Crising. Sa pakighinabi sa Bombo Radyo Malaybalay, gipadayag ni Gina Olano, MDRRMO Head sa Manolo Fortich, nga unang nahitabo ang landslide sa Barangay Dalirig sa may alas 6 sa buntag kagahapon adlawa.
Matod pa ni Olano na nagtinabangay ang mga ahensya aron maablihan dayon ang dalan. Gikumpirma usab ang duha ka landslide sa Mangima area sa Barangay Tangkulan ug nagapadayon ang clearing operations sa mga apektadong lugar.
Sa Barangay San Miguel, Manolo Fortich Bukidnon, nasuta usab ang pagtaas sa lebel sa tubig ug ang pagdahili sa yuta. Gimonitor kini karon sa LDRRMO aron masiguro ang kaluwasan sa mga residente ug motorista.
Gidasig ang katawhan nga magpabiling alerto samtang nagapadayon ang pag-ulan sa probinsya.