HomeEntertainment522 ka punoan marijuana, gipang-ibot sa sa kapulisan sa duha ka manglahing...

522 ka punoan marijuana, gipang-ibot sa sa kapulisan sa duha ka manglahing lugar sa dakbayan sa Malaybalay

- Advertisement -

Duha ka managlahing operasyon sa kapulisan ang miresulta sa pagbungkag sa 522 ka punoan sa gidudahang marijuana sa Barangay Managok ug Barangay Casisang, Malaybalay City, Bukidnon kagahapong adlawa, Nobyembre 17, 2026.

Sa Sitio Umbawan, Barangay Managok, gipang-ibot ang 508 ka punoan sa marijuana nga nagkantidad og ₱101,600, human makadawat og impormasyon gikan sa usa ka concerned citizen bahin sa giingong pagpananom niini.

Samtang, 14 ka punoan usab ang gipang-ibot sa Purok 9, Barangay Casisang, nga nagkantidad og ₱2,800, human sa susamang report gikan sa usa ka residente.

- Advertisement -

Gipahigayon ang duha ka operasyon sa mga personahe sa Malaybalay City Police Station, 1st Provincial Mobile Force Company ug Provincial Intelligence Unit, uban ang Regional Intelligence Unit 10.

Gidala karun sa Bukidnon Provincial Forensic Unit ang mga nakuhang tanom alang sa eksaminasyon ug hustong disposisyon.

- Advertisement -
RELATED ARTICLES
- Advertisment -

MORE NEWS