Nagpadayon karong adlawa, Nobyembre 16, ang ika-49 nga Association of Southeast Asian Nations (ASEAN) Summit and Related Summits sa Philippine International Convention Center sa Pasay City, diin nagtigom ang mga lider sa Southeast Asia ug mga dagkong nasud aron hisgutan ang mga isyu sa seguridad, ekonomiya ug kooperasyon sa rehiyon.
Gipangulohan ni Presidente Ferdinand Marcos Jr. ang maong tigom ubos sa temang “Navigating Our Future, Together,” diin lakip sa mga hisgotanan ang seguridad sa enerhiya ug pagkaon, South China Sea, digital economy ug nagpadayon nga krisis sa Myanmar.
Lakip sa mga mitambong sa mga miting ang mga lider ug representante gikan sa China, Japan, South Korea, Australia, India, Canada, New Zealand, Russia ug United Nations.
Gipaabot usab ang pag-apil ni United States President Donald Trump sa ASEAN-US Special Summit karong Nobyembre 17.
Gilauman nga mahimong oportunidad ang maong tigom aron mapalig-on ang panag-uban sa mga nasud ug mapalambo ang ilang kooperasyon sa pag-atubang sa nagkadaiyang hagit sa rehiyon.
Ang Pilipinas maoy nag-host sa maong summit isip ASEAN chair alang sa 2026, sa dili pa itugyan ang pagkapangulo sa Singapore.

